مني لبو تركي بيوتٍ عجيبة
وأصدق معاني الشعر للحب تثمين
الجوهرة فازت ولا هي غريبة
اللي مسمّاة على أم المساكين
أميرة قلوب اليتامى الحبيبة
معروفة بالطيب أول وهالحين
جودٍ وإحسانٍ وعطفٍ وطيبة
نهر العطاء يسقي وتثمر بساتين
أميرةٍ للخير دايم قريبة
بصمة عطاها واضحة في الميادين
ترعى صروح العلم كفٍ رطيبة
وتتبرع لنشر الوعي بالملايين
وكم عالجت يدها جروح عطيبة
الله يحفظها على الدوم.. آمين
ومبروك فوز الجوهرة النجيبة
اللي مسماة على أم المساكين.
