الله من قلبٍ تقل بيْد.. جزار
كن السكاكين الحديده.. تجزه
يوم الاحد يا شينها جات.. الاخبار
قبل الظهر ياشينها ذيك.. حزّه
قالوا: توفّى مكرم الضيف والجار
عمّك «ابو فهد» صدوق.. المعزّه
قلت: آه ثم آهٍ على آه .. تكرار
قلبي تقل فيه الكهارب.. تهزّه
مشيت ودموعي على الخدّ نثّار
الموت حق وكل نفس.. تمزّه
لا شك بعض الناس بالقلب له دار
يحزنك موته يوم ياتي.. مكزّه
والا.. بعضهم ما حد عنه.. دوار
لو مات قبله مات مليون.. وزّه!!
«عمّي» له البيضاء ترفرف بالاقطار
شبل لمن ينصاه عجل.. مفزّه
عساه بالجنّات يا وال.. الاقدار
وعساه في رحمتك يلقى.. ملزّه
