يا حبيبي وش بعد قلبك يقول
زال خوفه من شكوكه في الهوى
إنصف إللي يرفض أنصاف الحلول
دام انا والحب نمشي لك سوى
لا تخلي عاذلٍ منا ينول
لا ولا من قال ناصح لك غوى
حبكم عندي تعلا ما يزول
ساطي بعروق قلبي وارتوى
خصك الله بالغلا عن كل زول
وبالوفا والله لك قلبي نوى
لك موازين الغلا ترجح حمول
في ظماير مغرم فيك التوى
قلتها مرات وارجع لك واقول
انك اغلى من على الأرض استوى
يا حبيبي عل عمرك لي يطول
واهتني وياك باحضان الهوى
