يا صاحبي بعد البطاء كيف حالك
عساك من بعد البطاء طيب الحال
واقول وش علمك قطعت بوصالك
وش عندك من ظروف ياسمح الاقبال
صابك كبر يا منوتي من جمالك
والاخذت قلبك سواليف عذال
والاتحسبنا هوينا بدالك
دام انت بنيت الجفاء هل يا هلال
أول معي وافي وقلبي وفالك
حبي وحبك قبل يضرب بالامثال
تراي أنا أعرف كل شيء طرالك
لاتحسبنا بالهوى ناس جهال
لاني ولدعمك ولاني ولدخالك
ياليتني يازين من عم اوخال
هذي رسالة حب كتبها لك
وارجو منك ياسلوة الروح مرسال
كانك على عهدك بوقت مضالك
ترى غلاك بداخل القلب مازال
