طاحت الدمعه عقب ماهي سجينه
وابتدى حبل التعاسه والكآبه
الليالي هم والدنيا حزينه
والقلم ساير على درب الكتابه
مات ذاك الحب واقفى مع حنينه
ما بقاله غير ذكرى من صوابه
والثمينه ما غدت عندي ثمينه
والزمان المر ما يرحم عذابه
والامل للياس قد راحت سنينه
تجري الايام في ضيق ورتابه
والعمر للحزن لوح في يدينه
والحبيبه حلم غارق في سرابه
والخفوق اللي تعذب من أنينه
وش بقابه عقب هذا وش بقابه؟!
حلم عمري ضاع صار اليوم وينه؟
والفرح والحزن في عيني تشابه!
ذكريات وويل وجروح دفينه
والامل يا كيف ما اثر غيابه؟!
من صبر لاشك ربي بيعينه
وطاحت الدمعة وصارت كالكتابه
