شدني ليلٍ سواده يعطي العتمة ظلام
مستمداً من سواده ظلمته فوق عتمه
ما يعرف النور لله ما يطيق اسم المنام
ولا يصح إلا الصحيح ولا تفيد الجهلمه
قال تفزع لو نخيتك قلت ما فيها كلام
راح جدي سبة الفزعة عسى الله يرحمه
قال تكفى ثم سبقته يا ولد شد الحزام
لعن ابو من لا يلبي علم صامل وافهمه
نضرب العوجا تعدل غضب ولا باحترام
صاملين ولا علينا من صمل غز سهمه
والرخامة ما اعرفها... وارتعاشات العظام
والله اني ما اعرفها لا تحيزم برخمه
قال انا الصبح يغدر بي ودي امشي في سلام
قلت انا الصبح يعرفني قل ترى با علمه
قال: ما اقدر قلت: تقدر لا تبزوط فالنظام
كيف تنخاني وتمشي هو حلى كيف طعمه
الغباء نسل الجهل والمترخصمه جرام
والطويل اخو القصير ودوك علمي واكتمه
الدقيقة بنت يومٍ.. جدها شهر ابن عام
والمطر عبده شعيبٍ كل ما جاه لطمه
والفحل.. مع ناقته والكل منهم.. له سنام
والحصان اعرف صهيله.. والفرس بالهمهمه
اشرق الصبح ومشينا.. وانسحب زول العتام
لو ليلى.. ما نخاني.. كان ما الله سلمه
