ريمه ترزم فوق جال الركيه
قلت ابشري بالري راعيك مياح
لعيونها حولت والشمس حيه
ولا ظهرت الا سنا الصبح منباح
باغ الى روح سعود عشيه
وزادوا لهن اهل النضا والعلق طاح
اردها للي ذلوله رديه
واقول علق كورها لاجل ترتاح
ماني بلهباج يناقر خويه
ان طالت الهجرة غدا تقل نباح
افرش لربعي في ذرا كل فيه
عن لاهب والا من البرد لفاح
ولا خدمتي من حاجة جات فيه
غير ان طبع الحر للطيب طماح
والا الردي يتلى الردي لديه
والجود ما يبغيه لوفيه الارباح
وان جا نهار فيه تيبس شفيه
بيوم ترى به كاثر بيع الارواح
يفرح بنا من كان له به شفيه
فانا وربعي لاول القوم نطاح
ولا شيف منا من تغير نويه
نمشي لداعي ربعنا وين ما صاح
هاذي عوايد سالمين الطويه
اللي عن ادناس الردى دوم نصاح
عند المواجب ما نهاب المنيه
ولا يرهبه من كان يشري للامداح
نخوض غمرات الحروب القوية
لا ذل خطو النذل من كثر الاشباح
