توحدي.. لكن بك ربي حقق أحلامي!!!
بقلم: ياسر الفهد/والد طفل توحدي - الرياض

دمعة حزن على حالي..
دمعة حزن..
لو تدري وش اللي جرى لي..
دمعة حزن..
والحزن عمره ما طرق بابي..
دمعة حزن..
نستنى أحبابي!!
دمعة حزن..
صارت دموع أحزاني
تسيل على خدي..
دمعة حزن ما دريتي على اللي جرى لي؟
دمعة حزن..
توحدي!!!.. وحّد أحلامي!
مشعل أقبل في لحظة فرح!!
ما درى إنه يوم أقبل فرحت..
لكن انطفت أحلامي!!!
دنيتي صارت بحوث.. وحبر.. وأقلامي
أبحث عن معجزة.. أو علاج!!!
يمكن ألقاها
من خلفي أو أمامي!!!
أرحل لبلدان ربي...
حفيت أقدامي..
لأجلك يا مشعل..
والله ما أبالي باللي قدامي!!
دمعة حزن يا مشعل...
أنت للتوحد عنوان.. وأنت وحّدت أحلامي
دمعة حزن..
من فرحتي صار الحزن..
أحلى أفراحي!!
دمعة فرح.. يوم أقبلت يا مشعل..
دمعة فرح..
والحمد للبارىء العاطي..
دمعة فرح...
الأمل بربي أنه يشفق بحالي..
دمعة فرح.. لك يا مشعل الغالي!!
تراك توحدي لكن بك ربي حققت أحلامي!!