يا للي تحسبون التطرف والارهاب
حسب كتاب الله وسنة رسوله
أفكاركم ضحلة ومنهاجكم شاب
والحق فيما صار مانتم بحوله
الحق له حاكم وله حكم وكتاب
مثل الزمن معروف باربع فصوله
وانتم مشيتم من ورا ذيك الاحزاب
والجاهل اللي ما عرف وش يقوله
طاوعتم الشيطان في كل الاسباب
وناسٍ طريق الشر فيكم سعوا له
ناسٍ تبث الشر من بين الاحباب
الحقد فيهم من زمان الطفوله
لاشك كان الظن بامثالكم خاب
ترى العوض فيكم شيوخ الرجوله
شعبٍ على سنة محمد والاصحاب
في دولةٍ تمتاز عن كل دوله
دولة فهد شيخ المبادي والانساب
يحكم بشرع الله وسنة رسوله
