أسعد خبر شفته صباح وقريته
ومثلي فرح به كل واحد سعودي
سلامة اللي عاش ذكره وصيته
جعله يدوم سنين نسل الفهودي
الشكر لك يا ربنا اللي شفيته
يالواحد المنان خير امعبودي
برعايتك يا خير والي رعيته
ما دام مشعل حي نرقا سنودي
شعبٍ شمل عطفك لحيه وميته
عساك تبقا له ويمه تعودي
المجد يا مشعل صعيب ورقيته
وأنا أشهد انك كل يوم تزودي
والمدح في حضرة سموك هويته
تستاهله والشعب كله شهودي
وأنت الخيار من المدوح اعتليته
يليق مدحك يا عريب الجدودي
مشعل ولد عبدالعزيز ان نصيته
ظل وذرا عن حر وإلا برودي
أبشر بتفريج الهموم إن نخيته
حراً ليا منك نخيته يزودي
يا سيدي كم صرح مجدٍ بنيته
وكم فعل خير فيه تصخى النقودي
وكم واحد محتاج جاك وعطيته
في حزة ما كل واحد يجودي
يا ذخر من طيبه زهاك وزهيته
صقر الجزيرة يوم بذل الجهودي
جاها وهي كانت شتايت سحيته
ولا ودها إلها غير راسه تسودي
قالت معزي سيدي واحتليته
وارس قواعدها مروي الكبودي
يا الله ياحي كريم رجيته
تعز حكام البلاد السعودي
واسلم يا أمير بان بالطيب صيته
ما هل وابل مرزمات الرعودي
