فات الزمان وكل ما فات ملحوق
إلا العمر لافات ولت سنينه
إنتي حياتي.. قبلك العمر مسروق
لا تسأليني قبلك العمر وينه؟!
طبيعي بها الدنيا إلى صرت مطلوق
طفت الفضا والروح عندك رهينه
محسود لو اني من البعد محروق
اضحك ولو كانت عيوني حزينه
هذا الغريب اللي ملكتيه بالشوق
يشتاق لك لو هي يديك بيدينه
قلبي يبي عهدٍ من الحب موثوق
يوفي ولو كل البشر خاينينه
روحي لك ولا ظنتي عاد مخلوق
تحن له لو تسحر العين عينه
انتي وانا قلبين عاشق.. ومعشوق
قلب هواك الليل بينك وبينه
لا تتركيني ما انتظر غيرك شروق
دربي ظلام ولا قدرت استبينه
ناظرت حولي كنه الدمع مدلوق
لا جلك فوادي يستعر من حنينه
يذوب في حبك ولا يعرف يبوق
يا لله بليله بالوفا تنصفينه
