بعض الكلام يحق له يجرح الصمت
والبعض الآخر ما يبرر ظهوري
أغيب لكن لا حضرت وتكلمت
داريت شرهة غيبتي في حضوري
أنا الذي عن منة أنوارهم شمت
حي الظلام.. إن كان شحوا بنوري
أما أنت ياللي في غيابك تعلمت
أهل دمعي من سحابة غروري!
إن قلت أحبك أشعر إني تقدمت
على الزمان اللي سلبني سروري
يابو جروحي كلها لو تكرمت
تشرح لهم حملي وحلمي ودوري
ولا أنت يكفيني معك كل ما همت
لا قلت: حورك، قلت: قلبي وحوري
ولا ليا ضاقت علي وتجهمت
ضحكتك.. تعطيني منافذ عبوري
المشكله دام الزمن وانت ما دمت
الين كثرت في عيوني قبوري
مريت أماكنا القديمة وسلمت
مريت لكن ما درت عن مروري
والله ياني في غيابك تعلمت
حتى حضورك مرتبط به حضوري
