الله يعز المملكة للمسلمين
ويرفع مقام ملوكها ويحماها
الدوله اللي حكمها الشرع والدين
ومن صكته سود الليالي نصاها
يشهد لها الاقصين من قبل الادنين
في كل بقعه ناس تشكر عطاها
انجازها وافي بكل الميادين
في ظل من لا قصروا في بناها
يلهج لهم بالشكر «تاليا وتالين»
حكامنا مافيه شك بوفاها
ولا قصرت يمنا مغيث القليلين
فزعة من حباله قصير مداها
عبد الله اللي مد من دون تقنين
زيزوسنا اللي فيه دوم انتباهي
ما قصده الامداح نسل الكريمين
لكن من المعبود يطلب جزاها
يجزاه مولى الناس عدل الموازين
في جنة الفردوس يسكن ثراها
واذكر بقولي ماسح الجرح باللين
اللي عرف وين الجروح ودواها
ذاك الربيعه كون المجد تكوين
جهوده عسى ربي يسدد خطاها
واللي معه لهم التحيات وافين
ومن يزرع الحسنى بالاخرى جناها
حنا فرحنا بفعلكم بالميامين
ونفوسنا تشكر وتظهر ثناها
بلادنا مفتوحة لكل عانين
ولا نعترف باللي يقوله عداها
في ظل حكام على الطيب ضارين
نطلب من الخلاق يبقى رخاها
وختام قولي عد نبت الرياحين
صلوا على خير المخاليق طاها
