قال الذي يبدي حلي التفاسير
وليا بغى زين المثايل وسرها
رنا بشفي يا ولي المقادير
وكل بنفسه القوة ما حقرها
أخير عندي من مثال المظاهير
واخير من لاهه وشوفة قطرها
صفة فروقين على جمه البير
تسمع نديب غروبها في ظهرها
غرست منها ميتين على بير
والميه الأخرى لحيق باثرها
ما دام ما صفوا علي الحفافير
يحرم عليه بيعة من ثمرها
الله يساعدني على نية الخير
ودنياك ما احد عارف وش دورها
وبيت دار ملفن للخطاطير
في مفرق التلين كل خبرها
اقلط ليا صليت عوج المنافير
دلال بطيب الكيف ريحه بهرها
ابغى ليا جوني غزو مسايير
اربع ليال قاضيات سفرها
نحط لهم من مير غيد مباكير
وخطو الرفيق نزهبه من ثمرها
