الوطن دونه رجال يحتمونه
ما يهزه فعل شرذمة قليله
كلهم وقت النوايب صف دونه
ومن يخالف رايهم واعزتي له
الوطن فنجال طيب ويشربونه
الرجال اللي لهم مجد وحصيله
كل مخطي درب غصب يوقفونه
بالعدل حتى يبرهن وش دليله
وفعلنا وقت المواقف يعرفونه
كل جيل يشرح الواقع لجيله
وكل مجد في وطنا يذكرونه
وكلنا دون الوطن شيخ وقبيله
يا عسى الله يحفظ الله يحفظونه
ويا عسى الله يدحر أصحاب الرذيله
والوطن دونه رجال يحتمونه
ما يهزه فعل شرذمة قليله
