عز الله انه باول أيام شوال
رحل عن الدنيا فقيدة قبيله
الله يصبرنا على فقد جفال
فقيدةٍ فيه الفعايل مهيله
دايم وبيته للهواشيل مدهال
ربيع في وقت سنينه محيله
شهمٍ ودايم للمهمات شيال
وكريم ما والله يدينه بخيله
شوفة جنابه والنبا يشرح البال
ونفسه على من جاه ما هي ثقيله
عقيد فعل وقول وسلالة أبطال
واخلاص للواجب وخدمه جليله
يا لله يا للي للصعيبات حلال
عسى قبر جفال تكرم نزيله
عسى له الجنة مقرٍ ومنزال
آمين يا رحمن منجي دخيله
