بالأمس أنا مهتم حيلٍ بلقياك
واليوم لا والله ترى القلب ناسيك
أنا الوحيد اللي من الناس يهواك
اسهر على طول الليالي اناديك
أنا الوحيد وكنت عايش برجواك
وشبك.. تغير طبعك اليوم.. وشفيك
ماني ترى لعبه على كف يمناك
ولاني ترى ساعة تفرّه بيديك
نويت افارق سيرة الحب وانساك
واطوي مع الأيام صفحات ماضيك
انا طموحي فوق دورات الافلاك
وانت طموحك ما يتعدى مواطيك
اليوم انا قررت من قلبي اجفاك
اقسم برب البيت ما عاد لي فيك
علمٍ يجيك ويا صلك ويتعداك
احذر دروبي تقربه في مماشيك
