ينام الغيم بخدود الصباح ويرشف طيوفك
وانا ارشف من عذابك ما تحس الشوق بعيوني
دخيلك لا تلوم القلب دام القلب ملهوفك
ترفق يا بعد عمري.. بعدها تنزف طعوني
انا مخترت احبك لا ولاعشق كامل وصوفك
انا لو في يدي والله لجز القلب بسنوني
زرعت الخوف في صدري.. عقب ما طبت من خوفك
رميت اللوم بدروبي.. بعد ما كلت متوني
تبي ترحل بمان الله.. تراني شفت معروفك
آلا يا علها خيره.. وأنا الله كان في عوني
ترى ماني ذليل ولا عرفته.. قبل ماشوفك
ولخضع للعذول اللي وقف من دونك ودوني
تذكرني إذا ضاق المكان وشانت ظروفك
تراني مثل طيات الذهب ما يختلف لوني
