لا تصدق إحساسي إذا قلت مابيك
لا تصدق القلب الوفيّ لو شكالك
قمّة تناقض بين هاذي وهاذيك
إحساس ما يبغيك وقلبٍ عنالك
إحساس كان يحب واليوم ينعيك
ينعي دروب الحب وينعي وصالك
وإن جاك قلبي بيوم يطلب ويرجيك
أرجوك صدّ القلب واطوي رحالك
أخاف يجي يومٍ أسبِّك ولا أبكيك
دام الوفا والحب ما هو مجالك
من كثر حبِّي لك أببعد وأخلِّيك
وأدري إن بعدي في حدود احتمالك
دامك جرحت القلب مالي بطاريك
بنساك وأذكر قسوتك وانشغالك
الجرح كان أصدق وأنبل مباديك
أهملني إهمالك وحتى سؤالك
حقيقتك بانت من أول مساعيك
الجرح والقسوة من أغلى منالك
تكفى رفيق الجرح عجِّل خطاويك
قبل أجرحك وأقسى ولا أسأل بحالك
