أزمه وعدّت يابيض الوجه عنّا
وسلامتك يا شيخ خير البشاير
كل القلوب المخلصه لك تمنّا
يشفيك من يعلم خفي السراير
الله من حبٍ لشخصك يكنّا
من كل شعبك يا نقي الضماير
ما ألوم من لشفاك هلهل وغنّا
وما ألوم من عينه تهل العباير
من كل قطر وصوب منّا ومنّا
صدق المشارع جتك مع كل زاير
الناس من داخل وخارج وطنّا
بقلوبهم وأنظارهم لك براير
حب البشر يعطي دلايل وحنّا
لك حبنا نبديه سر وجهاير
ياللي على الشدات سيفٍ يسنّا
ودرعٍ الى جا الوقت قاسي وجاير
وغيثٍ مزونك بالمكارم غشنّا
يا ما فرجت الهم عن كل حاير
عساك دايم في حياتك تهنّا
يا سيدي يا جعلها لك سفاير
