الهدايا منك عن كل الهدايا
يا أعز الناس تسلم لي يديك
والله انك بس بوجودك معايا
تكفي احساسٍ غدا منّك وفيك
جيتك لي عطرت كل الزوايا
قبل ما عطرك يفوح ويحتويك
لا تكلّف خاطرك بذل العطايا
يكفي انك صرت لإحساسي شريك
يا حبيبي ما بقى فيني بقايا
ودي انهي كل حزني وابتديك
والله ان الوقت سوى بي سوايا
قبل ما تطري على بالي واجيك
لاجل عينك بترك همومي ورايا
والتقي كل الفرح يوم التقيك
عنك ما يخفى من أشواقي خفايا
مثل ما قلبك يبيني كنت ابيك
يا غلاي اللي سكن بين الحنايا
لو تبي كل شيء ما يغلى عليك
فرحتي بك عن فرح كل الهدايا
تسلم لقلبي.. وتسلم لي يديك!
"مدارات شعبية"