غموض يغمر احساسي ويرفض للغرام وجود
وطير يصرخ بصدري يدور للسما فيني
وهم يقصف ربوعي ولا لي للهموم صدود
وخطوه تايهه مدري على وين بتوديني
حبيب احلامي العذرا يقولون الصبر بحدود
تخير يااجي ولا حبيب احلامي تجيني
تعبت اطردك في حلمي لحالي والانام رقود
تعبت اتبعك وارجع منك والحسره عناويني
تعبت افرشلك دروبي بساتين وزهر وورود
تعبت اكتبت تمحيني تعبت اثبتك تلغيني
تعبت من الشقا والدمع افتش للدموع خلود
وويش الحل كود امسي وانام ودمعي بعيني
حبيب احلامي العذرا حرام تردني بوعود
حرام يجبيني صدك وطعناتك توديني
حبيب احلامي العذرا اذا انته قدها وقدود
تعال اضويلي العتمه وغير باقي سنيني
ترى انته لو تجي واحد انا لجلك بجيك حشود
واذا انته تصبر بدوني انا بعدك يعنيني
تخيل قبل ما اشوفك وانا في جيتك محسود
تخيل لو تجي وش عاد بدنيا يباريني
عشانك يطرد احلامي لحالي والانام رقود
عشانك بجبر الخطوة على دربك توديني
حبيب احلامي العذرا تعرف ان الصبر بحدود
تخير يااجي ولا حبيب احلامي تجيني
"مدارات شعبية"