ذكرى البطوله تبتهج بها ملايين
شعب كريم وفي حياة كريمه
والفضل بعد الله لمن قوّم الدين
مع عزمه إصرار ونية سليمه
أعاد داره ما توانا لبعدين
عبدالعزيز الشهم عايق خصيمه
يشهد له التاريخ فعل وبراهين
هو ناصر المظلوم ضد الظليمه
صقر الجزيره هو كعام المعادين
له سطوه وشيمه ونفس حليمه
لمّ الشتات وآمن اللي مصلين
زال الجهل وأحيا عقول فهيمه
نهض بلاده في جميع الميادين
حل السعد والخير ذعذع نسيمه
وعقب لنا منهم على خطاه ماشين
طيور الحرار ألهم سياسه حكيمه
وهذا البلد في حالة تبهج العين
بعهد الفهد يالله بعزك تديمه
وعبدالله الضرغام عضد له يمين
ولي عهد وبه شهامه وشيمه
وسلطان والقاسي لهوماته يلين
الخير من يمناه هتان ديمه
ولا هانوا رجال على العهد وافين
عز الوطن والمعتدي هم جحيمه
بلاد لها النخله شعار بسيفين
بفضل آل سعود اليوم تزداد قيمه
"مدارات شعبية"