الله من قلب همومه ثقالي
شال الهموم وشال معها غرابيل
اسقتني الأيام مر وحالي
وبعد الفرح قاسيت من كايد الويل
اقنب قنيب الذيب في راس عالي
في راس مرقاب عوى تالي الليل
وين انت ياللي غايب لك ليالي!!
عني رحلت ولا وصلني مراسيل
يا ليت يرجع وقتي اللي مضالي
ايام عشناها بوصل وتعاليل
واليوم ياخلي برى الهم حالي
هديت بالمجمول من هجرك الحيل
دامك رحلت اليوم دور بدالي
ولابد قدري تعرفه في المقابيل
"مدارات شعبية"