ياالله ياللي كلنا تحت رحمتك
يا عالم غيب الزمان وظروفه
يا واحد تغني عن الناس مدتك
أنت الكريم وكل شيٍ تشوفه
ارجيك دايم واتمنى مروفتك
كلما لحقني في زماني كلوفه
اشكي عليك اللي فتك خافقي فتك
وبانت على قلبي مضارب سيوفه
ومن بعدها ياللي بلتني محبتك
ياللي وصوفه نادراتٍ وصوفه
من يوم شفتك والمقادير جابتك
ودقات قلبي في هواك معسوفه
عذبت عيني والخطيه خطيتك
وخليت قلبي يحترق وسط جوفه
ليتك تراجع يا هوى البال غلطتك
دام الحلول موفره وامعروفه
وإن كان ودك تكتشف وش معزتك
انت الحسوفه كان عندي حسوفه
"مدارات شعبية"