يا شاعر الحزن يكفي صوت الاحزاني
أرهقت نفسك وقلبك كثرت آلامه
يا شاعر الحزن شعرك هزّ وجداني
وتذكر القلب خلٍ راحت ايامه
أنس الحزن يا بعد حيي وحياني
واقبل على الله تعيش بطيب انعامه
ترى المصايب قدر من عالي الشاني
والحمد والشكر للمولى على احكامه
ولا تبكي اللي بهذا العالم الفاني
كل يبي يتركه ويغادر بخامه
ولا تحسب انك بهذا الدرب وحداني
واجد من الناس قبلك ذاقت اسقامه
الله اذا حب عبد كامل ايماني
يبلاه والخير عما ذاق قدامه
"مدارات شعبية"