يالله يا غافر ذنوب العبادي
تغفر لعادل يا مغيث البلادي
وتجزاه بالحسنى يا خير هادي
وتسكنه بالجنات مع كل الابرار
وتجبر عزانا يا عزيز الجلالي
وتلهم هله صبر على فقد غالي
وتعوض امه من صغار العيالي
ابنٍ حنونٍ صالحٍ صادقٍ بار
وتعين من عاشت معه في حياته
الباكية الصابرة في وفاته
الصايمه القايمه في صلاته
المومنه في علم غيبات الاقدار
يالله تكتب له اجر بضنينه
وتفرج لها حزن دامه حزينه
وتندب لها رزق وحظ يعينه
وتشفع بخله يوم شخصات الابصار
ويالله يا رحمان يا عالي الشان
تغفر لميتنا وتجزاه الاحسان
وتاقاه شر النار يا مدبر الاكوان
وتجعله بالفردوس في عالي الدار
وصلاة ربي كل ما هب نسناس
واعداد برق المزن في برق الاطعاس
واعداد ما سطر حروف بقرطاس
على نبي الله صلوا يالاخيار
"مدارات شعبية"