لفى يمي رفيقٍ لي مقامه في محل الروح
حرام البيض من شرواه صارن عجز ماجابن
له بقلبي قصور العز بانيها تقول صروح
سكنها والعيون اللي تبيني سبته شابن
الى زوله لفى يمي وو اني كثير جروح
بشاير وجهه الطيب غدى بلسمهن وطابن
لفاني شاهرٍ سيفه زفيره كن فيه النوح
يقول ضنوني البيضاء على ماجيت به خابن
ثقيل الحمل شاله لي وثقل الحمل لي مطروح
جدع ما جابته نفسه سهوم الظلم بي صابن
يقول العلم: كيت وكيت حسب انه على مزوح
واثر علم لفاني فيه بالماجوب لي عابن
لطمت الوارد وعلمي بلطم الوارد المسموح
من عيوب الرجال اليا ثلوج الهرج ماذابن
هبيت انت القريب اللي كفرك بما هجوه يلوح
هبا النذل الخسيس اللي شموسه عني ما غابن
انا وش لي بما قلته؟ انا وش لي بها مصلوح؟
كفى لاغبت بالمجلس علومي وقتها نابن
جنابة حضرتك لاجيت يمي قاصدٍ ناصوح
توكد من هروج اللي عن أقصى الخلق ماتابن
مطلقةٍ حياياها تجيب الكذب له وتروح
نسيت ان الافاعي يوم بارضك فوقها دابن
تلويك في غيابك كن شخصك بينهم ممدوح
تناهش به مخالبهم وغيرك من بشر لابن
في وجهك نافقوا بالزيف كل القول زين مدوح
وحيايا وسط اثاميها بضهرك شي ماسابن
اجل وين العشم ياللي تقول اني محل الروح؟
او الهراج بقروش النميمة عندكم رابن؟
"مدارات شعبية"