آه واقلبي اللي كل ما قلت طاب
من جروحٍ قديمه جاه جرح جديد
إن بري جرح سعدى جاه جرح الرباب
له وعد مع جروح الغيد في كل عيد
لو أغض النظر عن شوف تلع الرقاب
يعترض لي مع الصدفة غزالٍ عنيد
قلت أسلّم عليه ولا نطق بالجواب
كود من نظرةٍ منها يذوب الحديد
حط بين الحنايا مثل طعن الحراب
قلت حبك ذبحني قال جعله يزيد
ثم قفا يلدّ وفي عيونه عتاب
فيه من قايدات الريم لفته وجيد
موطنه ريف نجد اللي سقاه السحاب
بين خضر الفياض وبين خضر الجريد
آه واقلبي اللي كل ما قلت طاب
من جروحٍ قديمه جاه جرحٍ جديد
"مدارات شعبية"