شفتك نسيت وقلت ماني مذكرك
أتركك بعدين تذكر لحالك
ما عاد لي غالي ولاني مدورك
حتى الخفوق اليوم ما هو حلا لك
دامك نسيت من الغلا كيف أشورك
ودامك نسيت اني وعمري فداك
لأبعد مشاوير الجفا قلت أحدرك
ما همني لو كان مالي بدالك
لا تعتذر لي ما به أعذار تعذرك
هاك الجفا والصد مني جزالك
عسى الزمن يبعد زمانك ويخرك
لاشك عفت اليوم حتى وصالك
وإن قلتلي حب انعزالك يصبرك
مع الجفا يرضيك حب انعزالك
رجل على ممشاي ما أمشي بخاطرك
أهوى حروق الشمس ما أرجى ظلالك
وخل الليالي يا مهاجر تسامرك
وتشوف قيمة وقتك اللي مضالك
"مدارات شعبية"