العلم له راس والا السيف له شذره
والصدر بحرٍ يضيع السر فاعماقه
والبذر لا بد ما يرجع على بذره
حتى لو إنه يزين وتكبر أوراقه
والرجل بالفعل ما هو في كثر هذره
لا طاب ما قيل عيبه هرجه اشفاقه
وهرج القفا عرّضه صفق الهواء واذْره
خل الهوا ايشيل جل الهرج ودقاقه
لا شانت أفكارهم فافعالهم قذره
ما يقطع الساقه الا قاطع الساقه
والمجد ما يا صله من خطوته حَذْره
لازم يغامر ورزقه عند خلاقه
وما خط فاللوح لو هو ماخذٍ حذره
يجيه جية عقوبة عاقر الناقه
واللي يقدم قبل ما جوبنا عذره
لو عاقه الوقت قلت الوقت ما عاقه
فالقلب اشيله غلا ومربّعٍ جذره
وأجمع له ألوان طيف الحب في باقه
ونذرٍ عليه وأنا من يعتبر نذره
(إن الغلا ما هو من الباب للطاقه)
"مدارات شعبية"