ليلةٍ عانق الفرحة هطول الغمام
واعتلت فرحة التكريم وجهٍ سفير
يوم صار السباق وحان وقت الزحام
والتنافس بدا والفوز فيها خطير
وجت سريعة يمين اللي فطمهن فطام
قايد الخيل يا مرهن بأوامر وزير
اذكر الله ليا منه ركض هام هام
لين يلحق وعجه من حذاته يطير
الله أكبر ليا منه تنهض وقام
يطوي الكوع والمضمار طي الحصير
عرفه أشقر جديل اللي تلبس زمام
بنت شيخ على القاله حسامه شطير
بالتواصيف لون اللي بسعر القرام
شوف لونه لنون العين يجهر جهير
وفيه هيبة شجاع وفيه سرعة اولام
في يمين عدال وحافر مستدير
يستحق التحية يستحق السلام
يقهر الحاسد اللي به سواد الضمير
ومالكه يملك عقول البشر باحترام
طيب نيه وطيب ذراع وافي شبير
العريب المعرب من خوال وعمام
أبو نايف عسى عمره وحظه وفير
يسعد الله مسا سلطان نسل الكرام
طيب لا بغى الطولات ما يستشير
"مدارات شعبية"