المدح يزها سيدي نايف الطيب
تجيه صعبات القوافي هديه
النادر الباتع عطيب المضاريب
الفيصلي راع الكفوف النديه
حر مطاليعه بروس المراقيب
له في دروب المجد روحه وجيه
ابن الإمام اللي حكمها على النيب
بالسيف ما جت له بلاش وعطيه
رسى قواعدها بحكمه وترتيب
لين أصبحت نجد العذيه عذيه
واليوم نشرب من قراح المشاريب
أمن وأمان ولحمة داخلية
الشعب واحد والوفا للمعازيب
موجود من فضل الولي بالرعيه
ما نلتفت لمعوجين الأساليب
المارقين أهل العلوم الرديه
يا مدعين الحق وأنتم مجانيب
عن سكة أهل الدين وأهل الحميه
والحق واضح دون شك ولا ريب
ما يجهله عاقل ونفسه خليه
مير البلاد في روسكم يوجد العيب
بأفكاركم سم مهو سم حيه
أفكاركم قتل وخيانه وترهيب
وازهاق لرواح النفوس البريه
لكن بعون الله واقوله ولا نيب
خايف وشمس الحق ليه جليه
ما تفرحون بتايهات المطاليب
والدار بعزوم الرجال محميه
حنا ذراها عن سموم اللواهيب
من دونها نارد حياض المنيه
بالجو طياره وبالقاع تدريب
والدين واحد والعقيده قويه
يا سيدي حنا رجال المواجيب
حنا حماة الدار من كل سيه
واختامها مني سلام وترحيب
في سيدي نايف زيون الونيه
"مدارات شعبية"