ما حلمت بيوم انك لي تكون
الحبيب اللي تمنيته حبيب
شاءت الأقدار في لمح العيون
يوم شفتك صابني شي غريب
صرت أداري خاطرك حد الجنون
بس أداري خايف عني تغيب
وزادت جروحي ونادتني ظنون
وانت سالي ما دريت اني صويب
وللأسف اقفيت عني يا فتون
اشتكي هجرك وعذبني النحيب
صرت انا طفل فقد ام حنون
لا لقى بسمه ولا رحمة قريب
اسقني بالوصل يكفيني شجون
وخلني ارتاح من جرح عطيب
بس حلمت بيوم انك لي تكون
ولا حلمت انك عن عيوني تغيب
"مدارات شعبية"