حِنّا رجال الوفاء وقت الطلب حِنّا
من المهد للحد ما نقبل الزله
من زل عن دربنا لو واحد منا
يذوق منا القسى .. خله ولعله
ما نجامل اللي يبي يعبث بموطنا
شعب سعودي تميز وقفته كله
والميزة الثانية حكامنا منا
الكل منا يظلل صاحبه ظله
ضد المعادين ما والله تهاونا
بنحور الأعداء ترانا دايم عله
بأسلافنا الحاضرة والماضية كنا
عدونا يموت دايم ما يرد غله
شعب وحكومة تكتاف ذا عرف عنا
لا يمكن يصير بين صفوفنا خله
ما يفرق صفوفنا أنس ولا جنا
وليا عقدنا حبل ما احد قوى حله
وبالرس بانت دلايل في تعاونا
حي الجوازات يشهد لآخر أدله
ثلاثة أيام فيهن ما خسر ضنا
بين الأمن والمواطن أمن يكمله
والحمد والمن لله ما لحد منا
سيطر رجال الوطن قضوا على الشله
وطير السعد للمواطن والأمن غنا
وهتف هتاف الفرح والإنس والفله
وبشايت الله نموت أحرار ما أنهنا
بقيادة اللي لهم هيبة لهم طله
وأنا رجل من رجال الأمن وأتمنى
موتي فداء للوطن والدين والمله
"مدارات شعبية"