أصدر ولاة الأمر مرسوم يكفيك
خدمة وطن يا سعد منهو خدمها
هنّاك ربعي وأنا بالذات أهنّيك
والتهنئة لأهل القصيم بسندها
الشرع لو به عيد رابع يوافيك
عيد القصيم تحط إيدك بيدها
كل القصيم بعالي الصوت تناديك
تزرع وكل من زروعك حصدها
لو غبت عنها ساعة كان تبكيك
مثل الخلوج الولف حنَّت ولدها
عطيتها وقتك وجهدك وما فيك
عدل وحكمة كل واحد حمدها
فيصل يابن بندر عسى الله يخليك
رمز من رموز الحضارة وعمدها
الله يمدك بطولة العمر يبقيك
بقلوبنا ندعي ولا حصي عددها
"عزيزتـي الجزيرة"