كان الزمان يجدد الجرح تجديد
فأنا الذي جرحي تجدد ولا عاد
صرت احتمل ظلم السنين المعانيد
اللي مضاربها على قلبي حداد
عجرت أقاوم جرح الأيام وأعيد
ذكرى معالمها لها الوقت ما عاد
من وقتي اللي فيه بعض المواريد
شحت وغيرها الدهر ظلم وعناد
لكن عزى قلبٍ جروحه ملاهيد
رجواي باللي له هل الدين سجاد
وصبرٍ جميل ورحمة الله بتأكيد
أضفت على خلقه بلا منّ وعداد
هذا ومهما ينقص الشرح ويزيد
يبقى الوفا نوره على روس الاشهاد
ويبقى الغلا للي وفا بالمواعيد
اللي له اشعاري من القلب تنقاد
"مدارات شعبية"