الهوى لا مر في قلب لعب به
والنوى يا قلب ما فالك بفاله
والقلوب اللي تجمعها المحبّه
لو خلت كلّ يبا يمشي لحاله
(كن قلب الحب به ساعة منبه
تشتغل لامن نسى وإليا طراله)
وكل قلبٍ ماخذ من الحب حبّه
لو يقول إنه عزيز يعيش عاله
من يقول إنه عزيز الحب طبّه
بعدها لاعاد تنشد وش جراله
تقل يحضك له بشي واننكب به
يوم حطه طاري الفرقا ابّاله
وقلبي اللي من رداته ما تنبّه
قبل مرسول الهوى يلقي ظلاله
ما احسد راع الهوى ربي وربه
أحسد اللي ما درى سالي وداله
ما يقول إني سعيد إلا المشبه
كل ما مر الغرام أبكي بداله
وما يقول إني خلي إلا المسبّه
ضعت ما بين الجماله والنذاله
كنت أحسب القلب من حبّه يحبه
وأثر قانون الغلا كله بطاله
والزمان اللي من أسبابه نسبّه
لا تدوّر فالزمن هذا عداله
"مدارات شعبية"