إن ذكرتك هلت دموعي عليك
وان طروك آموت مراتٍ عديده
صاحبي لا تكتب الفرقى بيديك
إرحم اللي بالهوى لك مد إيده
كل مكانٍ بالغلا ذكرني فيك
إن وصلته مامضى لي استعيده
وكان ودك في شقايه.. ما عليك
خلني في البال ذكراك الوحيده
أرسل الأشواق من قلبي إليك
في كفوف الود من لهفه شديده
علّها يا صاح مره تعتريك
ذكرياتي فيك وأيامي السعيده
كم رجيتك وارتجيك وبرتجيك
عود لي وتنوح مثلي كل قصيده
ان حييت آشوفك انت لي مليك
وان كتب لي الموت روحي لك شهيده
"مدارات شعبية"