ما حلى شوف البدو والوقت طايب
يتبعون الذود كل له رعيه
همهم راحة سلالاتٍ عرايب
وفي مشاهيهن عزايمهم قويه
عندهن دايم مواقيفٍ حضايب
وحولهن طربين في حلولٍ سويه
باذلين المال من حاضر وغايب
لاجل يرضون الجمال اليعربيه
ويتعبون النفس شباناً وشايب
في هواهن ما شكوا تعب وونيه
ويبعدون السير والمسرا نهايب
نازحين الدار في أرض خليه
خلفهن ما بين قطعان وركايب
بكثر شدات ومناهيجٍ حفيه
سلمهم وسلوم عطبين الضرايب
الرجال اللي يعرفون الحميه
الرجال اللي يلبون الندايب
ومن نخاهم جوبوله بالنخيه
جعل ربي يعزهم أهل النجايب
وجعل ربي يغيثهم جزل العطيه
بالرجوع اللي حقوقات السحايب
صادقة الأمطار بالحيّا المديه
وعاش مصلاحٍ وذيدانه عزايب
دايمٍ معها وهي قدمه هديه
"مدارات شعبية"