بالله ياللي تكتبون الجريدة
ودي بخدمة كان جايز تلبون
خدمة بسيطة والنوايا سديدة
وان كان مانكتبلها وش تقولون
المملكة ياروح روح القصيدة
يادولة ما مثلها شي بالكون
هي دولة الإسلام دولة أكيدة
ماشككوا بالدين ياللي تظنون
مادام قايدها الفهد مع عضيدة
تبقى أبيه والخوارج يولون
شعارهم خدمة سنين عديدة
لمكة وطيبة والمشاكل يحلون
كم من يتيم عاش عيشة سعيدة
في ظل أخو نورة قسى الوقت بالهون
للطيب ناس وللمزايا فريدة
وللدين ساس وللمكارم يهلون
تلقابها ناس تصون العقيدة
تامر بفعل الخير والشر ينهون
شعب وحكومة للمواقف وليدة
ومن حاول التشكيك يبطون يبطون
أعظم صفات المملكة الحميدة
تفعل من أجل الشعب ما يستحقون
تدرس مع التخطيط مده بعيدة
حتى تحقق شي كانوا يتمنون
وآخر ما أقوله خاتمة للقصيدة
نفداك ياابن سعود والدم مرهون
"مدارات شعبية"