والله . . ثم والله والله والله
إنك وطن . . كل العلوم المجيده
افضل وطن . . بين الحنايا حملناه
موطن محمد . . والرساله الأكيده
شفتوا الشرف . . وشلون ربي منحناه؟؟
نخدم بيوت الله . . ونرعى العقيده
بقيادة ابن سعود . . الله يرعاه
ويسبغ عليه ثياب صحه جديده
زرع بذور العلم . . من طيب مجناه
واليوم كل الشعب . . يجني حصيده
وقاد الأمن باخلاص . . يوم تولاه
حتى اهتنينا في حياةٍ رغيده
وف عهده الميمون . . كل علم جبناه
حتى الفضا . . جيناه برحله سعيده
مولاي ابو فيصل عسى الرب يجزاه
بما قدمت يمناه . . بيوم الشديده
صعب نحصي بالشعر . . جملة سواياه
كل يوم تظهر . . منجزاتٍ عديده
وحب الوطن . . بقلوب . . ووجيه نقراه
وحب الوطن تاريخ . . أمه مجيده
"مدارات شعبية"