أنا سعودي وأفخر إني سعودي
لي الفخر في موطن كله أمجاد
حب الوطن متورثه في جدودي
حب سرى بالدم من عهد الأجداد
ياموطني يفداك دمي وذودي
والروح ترخص لك بعد هي والأولاد
المملكة هي موطني هي وجودي
هي منبع الإسلام دار للأجواد
ياموطني لجلك بذلنا الجهودي
وياموطني حنا لك أرواح وأجساد
وحنا على البيعة جميعا جنودي
حنا سعوديين منشأ وميلاد
بحكم المولى من دون نقص وزودي
يحكم ملكنا بالشريعة ولازاد
لي هامة فوق الثريا صعودي
بحكم الفهد غصبا على كل حساد
القائد اللي بالشدايد صمودي
اللي على الصعبات له قلب معتاد
ولنا ولي العهد نسل الأسودي
جنداً معه نمشي على كيف ماراد
عبدالله اللي للمسالم ودودي
ياويل من يلقاه في حرب وعناد
وسلطان هو سلطان حامي الحدودي
سموه باسم الخير من كثر ما جاد
لأجل الوطن نايف بسيفه يذودي
يحارب الإرهاب والأمن له قاد
اخوان نوره حافظين العهودي
يشهد لهم كل القرايب والأبعاد
حامينها عن كل فاسق حقودي
ينال من سطواتهم مر وأنكاد
واللي غدر بالدار ذاك الشرودي
يذوق من أفعالهم سم الأكباد
ولايغير في غلاهم جحودي
بالمملكة ما نستمع كل فساد
يازمرة الشارون ذاك اليهودي
يامن لكم في داخل النار ميعاد
بالمملكة راعي الحسد مايسودي
ولا له مكان ونبعده كل الإبعاد
أطهر ثرى وقبلة للسجودي
لطاعة الرحمن والأمن به ساد
مكة وطيبة في وطنا شهودي
تلقى بهن كل المخاليق سجاد
يالله ياللي بالمكارم تجودي
يامن خلقت الجن والإنس عباد
تحمي الوطن من كل حاقد حسودي
اللي حياته كلها حسد وأحقاد
ويدوم عزك ياوطنا سعودي
وعسى تدون أيامك أفراح وأعياد
وصلاة ربي عد ما فاح عودي
على نبي منهجه خير وإسعاد
"مدارات شعبية"