يوم (علي البدر) مات وكان من بالكون فان
قلت إنّا لله الدايم وإليه راجعون
لو بغيت أبكيه، كان ابكيه انا طول الزمان
وانثر دموع عليه تفوق همال المزون
لكن إيماني يقول اصبر ترى الصابر يعان
قلت ابصبر لجل ربي يرحم اللي يصبرون
الزمن طبعه يخون وعادته ماله أمان
والمصايب بعضها هيّن وبعض ما يهون
وموتة الطيب فجيعة واسألوا ذاك المكان
يوم غصّ الجامع بناسٍ لطيبه يذكرون
مسلمٍ، خاشع، مصلي، طاهر (قلب) و(لسان)
قلبه ابيض واهنيه، من عبادٍ يشكرون
مل من دنيا التعاسه، وارتحل يم الجنان
بإذن رب الكون وأمره بين (كاف) وبين (نون)
ياالله ارحم عبدك اللي جاك له عرض مصان
مخلصٍ لكن ذاكرٍ لك، والخلايق يذنبون
اسألك باسمائك الحسنى، وبالسبع المثان
تجعله في وسط قبره في نعيم وفي سكون
وادخله في عالي الجنه مع الحور الحسان
واحشره مع خير خلقك يوم خلقك يحشرون
ويا الله الصبر ابوه وتجعله ثبت الجنان
وارزق امه صبر وانته دايم بخلقك حنون
ثم على المختار صلوا كل حين وكل آن
انتهى قاف نظمته يا عساكم تسلمون
"الرأي"