الحب له يا غايتي معك ميعاد
لا تخلف الموعد حبيبي وتنساه
ترى الوصل ما بيننا دوم معتاد
وشلون ابترك مثل حضرتك واجفاه
الحب في روحي مع الوقت يزداد
بحر عجزت اوصل حدوده ومرساه
قلبي طلبه الغير لكن ما فاد
لا ما يبي غيرك من الناس يهواه
عطيتك عيوني وروحي ولا عاد
باقي طريق للمخاليق توطاه
يا نبض قلبي يا مسرات الأعياد
طيفك بعيني احضنه غصب وارعاه
اعيش كوني بغيبتك هم واجهاد
وانت الذي شوفك ملا الكون وأحياه
يجود قلبك بالوفا يا ابن الاجواد
في وقت مات الحب بيدين الأشباه
انت العدد واحد تجي قبل الاعداد
وانت الذي ما قلت الأشعار لولاه
حنين قلبي وسط الاضلاع وقاد
يا فرحة الخافق ويا غاية مناه
"مدارات شعبية"