يا الله يا منشي حقوق المراهيش
يافارج الشدات رازق عبيده
تفرج لمن هو عيشته بالتناويش
بالستر ما يبغى الفوايد تزيده
يرزقني اللي يرزق الطير ابو ريش
نفيد شن بعض العرب ما تفيده
الى حصل رزق رهين فلا ابيش
البخل ترغبه الوجيه الزهيده
يا ابو سند ما عاد في بيتنا عيش
والبل هزلا والمشارع بعيده
قالوا لي اصبر قلت صبري على ويش
الصبر للي كل شيء يكيده
نبي نشد اللي قوي من الجيش
ونصبر وصيور العواقب حميده
والى لفونا مبعدين المطاريش
كل على ما جوب قدره نزيده
لكن يحداهم للضيافه حواويش
نفرح بهم فرحة رضيع بديده
ابهش بهم لا كرش النذل تكريش
ومن دور الجودا عسى الله يزيده
"مدارات شعبية"