تعبت اسقي جروح الهم مواويل الظما دونك
تعبت اكتب بدم الشوق رسالة لوم تغتابك
تعبت أسال عيون الناس من اللي شافت عيونك
تعبت أسال هبوب الريح من اللي عطر ثيابك
تعبت أجمع شتاتك لين جمعت الرمح وطعونك
تعبت ازهم خيالك لين جاني وبيده غيابك
بغيت اتذكرك ما دري علام الذاكره تخونك
اشوفك ليل ما ادري اذا طيفي طرق بابك
ترانيم الوله غنّت على صوتٍ من لحونك
سراب الصدق ما أدري سراب الكذب لي جابك
تعبت أنبش جروح الخوف بداخل جثة ظنونك
تعبت اسال إذا تذكر حبيبٍ مات بترابك
أنا شلتك على كتفي مثل حتفي على متونك
ذبحني خنجر غيابك وانا موتي من اسبابك
دخيل الليل والموّال واللوعات وطعونك
دخيلك ما بقابي حيل يتحمّل عنا غيابك
"مدارات شعبية"