يا الله يارب الحرم والمصلين
يامنشي مزنه ومنزل بردها
تشفي الزعيم اللي حمى حوزة الدين
قاد البلد للعز وارسى عمدها
حر حكم حكمه على العسر واللين
قالوا زعيم العرب قلنا فهدها
يعد فعله كل حين بعد حين
يا فخر نجد ويا معالم بسعدها
ويشهد بفعله ساكن الهند والصين
وانتم حماة الدار وانتم سندها
ياما وياما يا شيوخ السلاطين
مكارم يصعب علينا عددها
درع الوطن خصم العداء باللقا الشين
وفعايله بالطيب كلن حمدها
ابو اليتيم وماسح دمعة العين
وستر الهنوف اللي زهى النقش يدها
القايد الرايد زبون المخلين
وموارد الأبطال كله وردها
"مدارات شعبية"