المملكة شعبها في القلب شايلها
حسبي على اللي يبون الرأي راييني
من حد نجران إلى أبها مع محايلها
إلى تبوك الشمالية مواليني
رايتنا بالوفاء تمطر مخايلها
وارواحنا دونها والدم من حيني
القاف في دارنا ما احلى مثايلها
نلعب بها في الخلا مسحوب وهجيني
وشيخونا اللي ثقيلات مكايلها
الله يطول عمار اللي حمو الديني
تحيا لهم بيعة قد قال قايلها
الحكم لله وبعده للسلاطيني
يا مخبل اللي يبي يمحي دلايلها
ويا مخبل اللي على الإرهاب ماضيني
الماء شربنا قراحه يا حثايلها
وإنّا نميّز طروق الزين والشيني
الدين غيث القلوب اللي مسايلها
حب الوطن والولاء وإنا على الديني
"مدارات شعبية"