عسى الله يشفي القائد فهد . . قولوا معاي: آآآمين
نصيت الواحد المعبود . . راع الجود سبحانه
وسيع المد . . ماله ند . . دايم ل مره مطيعين
إله جل شانه . . كلنا نحتاج ل إحسانه
طلبه يلبسه ثوب الشفا . . راع الوفا . . والدين
حفر . . صخر الفخر في حنكته . . مع صادق ايمانه
بنى نهضة وطنا شيخنا العادل . . ذرى المسكين
رقى بالمملكة للمجد . . والأمجاد عنوانه
فهد ستر البلد . . راس الزعامه . . خادم البيتين
ملاذ الجار . . تاج الدار . . ساس العز وأركانه
فهد . . ملهم صواب الراي . . رايه ما يجي رايين
عقد رايه ومنهاجه مع اللي عالي، شانه
فهد . . وجه السعد . . واف العهد . . في عسرها واللين
مغيث . . المستغيث اللي . . شكى من جور جيرانه
نصره الله بنصره . . وانزل الذله على الغزين
هزم في قدرة الرحمن . . حزب الشر وأعوانه
عسى الله يلبسه ثوب الشفا . . قولوا معاي: آآآمين
بجاه الواحد المعبود . . نبع الجود . . سبحانه
"مدارات شعبية"